A convocatoria aberta de propostas de solución innovadoras que promove o Sergas é o primeiro paso para instumentalizar o proceso de Compra Pública Innovadora no marco de proxectos Hospital 2050 e InnovaSaúde. Estas 2 iniciativas están enmarcadas no Programa Operativo I+D+i por e para o beneficio das empresas – Fondo Tecnolóxico 2007-2013, cofinanciados polo Fondo de Desenvolvemento Rexional Europeo (FEDER), xestionado polo Ministerio de Economía e Competitividade.
Con estas iniciativas o Sergas persegue mellorar a calidade de vida do cidadán no fogar mediante a implantación de dispositivos intelixentes que soporten a comunicación dos profesionais sanitarios cos pacientes e cos seus coidadores, unha comunicación orientada á prevención de carácter crónico, e a hospitalización a domicilio. Ao mesmo tempo aborda a xestión das urxencias sanitarias e a trazabilidade dos pacientes e profesionais como ferramenta de mellora da calidade na asistencia. Avanza no desenvolvemento de plataformas tecnolóxicas que permiten tanto o diagnóstico por imaxe multicentro como o diagnóstico asistido por ordenador. Profundiza no uso da teleasistencia, fomentando redes de especialistas doadamente localizables en calquer lugar a través de dispositivos móbiles. Aborda tamén o deseño de habitacións intelixentes nos centros hospitalarios e todo iso baixo o paradigma dunha sanidade dixital segura que permita salvagardar a confidencialidade, dispoñibilidade e calidade da información dos nosos cidadáns.
No Mapa de Demanda Temperá detállanse as contratacións de servizos de compra pública innovadora que realizará o Sergas no primeiro semestre do ano, por un importe de 18,4 millóns de euros.
Para máis información e ver o listado dos 18 contratos:
[button text=’Ver noticia orixinal’ url=’http://www.sergas.es/Docs/H2050_IS/nova_demandat_gal.pdf’ target=’_blank’]
No Comments - be the first.