Recortes de prensa arquivos

Innterconecta 2015 mobiliza 110 millóns para impulsar a innovación das nosas empresas

Posted by BIOGA in Axenda, Eventos, Recortes de prensa · No Comments

O Centro de Novas Tecnoloxías de Galicia (CNTG) acolleu hoxe a presentación da nova convocatoria do programa FEDER-Innterconecta 2015, unha iniciativa de raizame europea e participada polo Goberno galego para financiar proxectos innovadores a través da cooperación entre empresas e centros tecnolóxicos e cuxo orzamento para as entidades galegas, este ano, é de 110 millóns de euros en formato de subvención. A xornada foi inaugurada polo Conselleiro de Economía, Francisco Conde, que comezou salientando a razón de ser de Innterconecta e da participación activa do Goberno autonómico: contribuír a facer da innovación un hábito nas nosas empresas.
Asemade, fixo un percorrido polas diferentes edicións do programa (dende 2011) destacando que os resultados “non podían ser mellores”. E engadiu: “Nas diferentes convocatorias acadamos a cifra de máis de 400 empresas galegas concorrendo nelas”.
Ao seu xuízo, o principal valor de todo este esforzo é sen lugar a dúbidas “un intanxíbel”. Este, sinalou, non é outro que a cooperación: a cooperación entre múltiples frontes e trazando pontes entre o público e o privado, entre centros tecnolóxicos e empresas, entre empresas e empresas, entre sectores, entre administracións e administracións.
Segundo engadiu, Innterconecta é “unha oportunidade para consolidar o liderado innovador das empresas galegas”. Para isto, dixo, contarase co apoio do Estado, a través do CDTI (Centro para o Desenvolvemento Tecnolóxico Industrial), favorecendo proxectos innovadores nos que colaboren empresas de varias Comunidades Autónomas.

Empresas socias de Bioga están interesadas no programa Innterconecta, se desexa coñecelas e os seus proxectos, envie un email a info@bioga.org ou chame ao 881 120 459 solicitando a información.

Noticias relacionadas:

INNTERCONECTA 2015 MOBILIZA 110 MILLÓNS PARA IMPULSAR A INNOVACIÓN DAS NOSAS EMPRESAS

Conde salienta os 110 millóns de euros da novaconvocatoria do Innterconecta como unha oportunidadepara consolidar o liderado innovador das empresasgalegas

May12

Un proxecto galego na plataforma PRECIPITA

Posted by BIOGA in Axenda, Recortes de prensa · No Comments

O proxecto de investigación galego «Entender a linguaxe celular e a súa implicación en enfermidades«, dirixido por María D. Mayán Santos (Instituto de Investigación Biomédica de A Coruña (INIBIC)) busca financiación.

O obxectivo deste proxecto é o de estudar se alteracións nas funcións das conexinas, panexinas ou dos canais que forman estas proteínas, están implicadas no desenvolvemento da artrosis, psoriasis, melanoma ou cancro de mama. Buscan novas dianas terapeúticas que sirvan de base para o desenvolvemento de terapias efectivas para o tratamento destas enfermidades. Así mesmo, esperan que os resultados obtidos poidan servir para personalizar os tratamentos e mellorar as técnicas de diagnóstico e pronóstico das enfermidades a estudar e outras relacionadas. A través deste obxectivo hai abertas varias liás de investigación dentro do Servizo de Dermatoloxía e da Unidade de Ciruxía de Mama do Complexo Hospitalario Universitario de A Coruña (CHUAC-XXIAC).

PRECIPITA é unha plataforma de crowfunding, posta en marcha pola Fundación española para a Ciencia e a Tecnoloxía, punto de encontro entre os investigadores e as persoas interesadas na ciencia. Dende FECYT apostan pola comunicación da ciencia porque saben que unha sociedade ben informada demandará ás súas institucións un compromiso para apoiala. Divulgar é unha maneira de que os cidadáns aprecien o que significa a ciencia no seu progreso económico e social.

Ver proyecto_ayudanos-a-entender-el-lenguaje-celular-y-su-implicacion-en-enfermedades

Máis información

May08

Xornada AINIA: Tendencias de Mercado e Innovación no sector cosmético e coidado persoal

Posted by BIOGA in Axenda, Eventos, Recortes de prensa · No Comments

A industria cosmética é un exemplo de innovación e mellora continua. Segundo datos da Asociación STANPA, cada ano reformúlase a cuarta parte dos produtos que se fabrican, en busca de novos nichos de mercado, eficacias melloradas e maior eficiencia e seguridade dos produtos, que finalmente reduden nunha maior competitividade das empresas.

Para profundizar neste aspecto contamos coa participación da Asociación Nacional de Perfumería e Cosmética STANPA que nos dará as claves sobre a importancia da innovación no sector cosmético.

Presentarán «O informe sobre a influencia do consumidor na innovación de produtos cosméticos. Mercado e tendencia», que é o resultado dunha enquisa na que participaron persoas que forman parte do panel de consumidores de Consumolab.

Así mesmo contarán coa colaboración da Sociedade Española de Químicos Cosméticos SEQC que abordará aspectos formativos e de innovación para profesionais do sector.

Ademáis compartirán as innovación tecnolóxicas no sector cosmético, tanto en produto como en proceso, incluíndo aspectos de eficacia, seguridade, hixiene e sostibilidade.

Finalmente empresas do sector presentarán exemplos de innovación e o seu efecto na competitividade.

Ver programa completo

Abr21

O CDTI presenta a empresarios galegos as súas novas axudas para o fomento da I+D+i

Posted by BIOGA in Recortes de prensa · No Comments

Máis de medio cento de empresarios asistiron á xornada “Instrumentos de apoio á I+D+i das empresas”, organizada pola Alianza Tecnolóxica Intersectorial de Galicia (ATIGA), en colaboración coa Axencia Galega de Innovación (GAIN) e o Centro de Desenvolvemento Tecnolóxico e Industrial (CDTI).

Mª Pilar de Miguel e Raúl García, representantes do CDTI, destacaron a aposta que as entidades galegas están realizando en innovación. De feito, nos últimos catro anos, Galicia puxo en marcha, aproximadamente, 188 operacións de I+D+i no marco das diferentes iniciativas de apoio impulsadas dende esta entidade, cun orzamento total estimado de 118 millóns de euros, dos cales o CDTI aportou arredor de 94 millóns de euros.

Ademais, anunciaron que a próxima edición de FEDER-INNTERCONECTA abrirá a súa convocatoria o 30 de abril, cerrando o prazo de presentación de proxectos o 6 de xullo. Trátase dun programa de fomento á I+D+i que se pon en marcha en Galicia, Andalucía, Asturias, Canarias, Castilla-La Mancha, as cidades autónomas de Ceuta e Melilla, Extremadura e a Rexión de Murcia. En anteriores convocatorias, correspondentes aos anos 2011 e 2013, Galicia obtivo un total de 105 proxectos, que supuxeron unha inversión de 212 millóns de euros.

Ver noticia orixinal

Feb13

XV Concurso de Proxectos Empresariais Innovadores da USC

Posted by BIOGA in Axenda, Recortes de prensa · No Comments

O Programa de Creación de Empresas da Universidade de Santiago de Compostela Uniemprende, convoca o XV Concurso de Proxectos Empresariais Innovadores da USC, poñendo a disposición de todas as persoas interesadas formación gratuita para elaborar o plan de empresa.

O obxecto do concurso é impulsar a creación de empresas innovadoras promovidas por estudantes, licenciados e licenciadas ou investigadores e investigadoras, así como a innovación empresarial e a xeración de emprego.

O prazo de presentación estará aberto dende o 10 de febreiro ata o 7 de abril de 2015.

Os premios que se outorgarán serán os seguintes:

• BASE TECNOLÓXICA: 2.000 euros + ata 24.000 € de financiamento mediante préstamo participativo
• EMPRESA XOVE: 2.000 euros
• MULLER EMPRENDEDORA: 2.000 euros
• PREMIO Á PROMOCIÓN DA LINGUA GALEGA: 1.000 €

Máis información:

Bases do XV Concurso de Proxectos Empresariais Innovadores

Preinscríbete no concurso cubrindo o Formulario de preinscrición

Ene30

Galicia incrementa un 31% o seu investimento en biotecnoloxía

Posted by BIOGA in Bioga nos medios, Recortes de prensa · No Comments

O número de investigadores neste eido medrou un 39% na comunidade e o gasto público, un 37 por cento.

A biotecnoloxía segue forte en Galicia. En 2013, a comunidade incrementou nun 31% o seu investimento interno en I+D biotecnolóxico, segundo os datos da estatística sobre uso de biotecnoloxía feitos públicos polo INE. Fronte a unha baixada estatal do 1,8%, Galicia aumentou en preto de 15 millóns de euros este gasto, ata situarse como a sexta que máis destina a este eido.

Por sectores, as empresas galegas destinaron un 17,6% máis que no 2012 á I+D en biotecnoloxía, mentres que administracións públicas, ensino superior e institucións privadas sen fins de lucro o fixeron nun 39%. Ademais, cómpre sinalar que o persoal empregado en I+D interna en biotecnoloxía se incrementou nun 26%, ata chegar a preto de 1.270 persoas. O número de investigadores aumentou un 39%, ata sumar preto de 830.

A biotecnoloxía xa supón o 1% do PIB da Galicia. AConsellería de Economía e Industria destacou onte estes datos, “e a potencialidade do sector coa nova Estratexia de Especialización Intelixente – RIS3, que mobilizará 1.600 millóns de euros en Galicia ata o 2020 en proxectos innovadores”.

A través dos fondos da RIS3, a Xunta pretende potenciar a biotecnoloxía como ferramenta de apoio ao desenvolvemento de produtos e servizos que produzan alimentos de alto valor engadido. Ademais, aplicarase a biotecnoloxía á cadea monte-industria, desenvolvendo produtos biotecnolóxicos para a medicina e a cosmética; e crearanse novos materiais de orixe mariño aproveitando os residuos pesqueiros.

Ver noticia orixinal

Ene15

Xornadas H2020 UDC: Seminario Financiación Fast Track to Innovation (FTI)

Posted by BIOGA in Axenda, Eventos, Recortes de prensa · No Comments

Días:

Martes 27 de Xaneiro de 2015, de 9h-15h

Mércores 28 de Xaneiro de 2015, de 9h-18h

Lugar:

Facultade de Informática (Campus de Elviña, aula por confirmar).

PROGRAMA

O novo esquema de financiamento FTI está pensado específicamente para apoiar ás Universidades na súa colaboración co sector privado no eido da investigación e innovación. A primeira convocatoria FTI estará aberta até o 29 de Abril 2015. Conta cun orzamento superior aos 100 Millóns de Euros para promover proxectos colaborativos academia-industria, sen restriccións temáticas previas, a diferencia con outras áreas do programa H2020.

O programa da xornada será impartido en sesións repartidas en dous días de traballo:

– martes 27, unha sesión teórica, coa presentación do novo esquema de financiamento a cargo de Marina Martínez (representante da Oficina Europea SOST do CDTI), en horario aproximado de 09.00 a 17.00 horas.

– mércores 28, unha sesión práctica, deseñada coma un curso intensivo de preparación de propostas para H2020, con casos prácticos adaptados ás particularidades do novo esquema Fast Track to Innovation (FTI), a cargo de Luis Botifoll (consultor experto en financiamento europeo), en horario aproximado de 09.00 a 18.00 horas.

Esta Xornada está enmarcada dentro das actividades que a OTRI da Universidade da Coruña está a realizar para fomentar a participación en convocatorias de proxectos colaborativos dentro do Horizonte 2020. A xornada está dirixida a investigadores e xestores de equipos de investigación da UDC que desexen mellorar as súas capacidades e colaboración co sector privado, así como representantes de empresas que queiran dinamizar a colaboración coa UDC nun contexto europeo idóneo para estas iniciativas conxuntas.

Ene08

Premian ao IDIS por un ensaio clínico con células nai para tratar o ictus

Posted by BIOGA in Bioga nos medios, Recortes de prensa · No Comments

A Real Academia Galega de Ciencias (RAGC) distinguiu co Premio de Investigación 2014, dotado con 6.000 euros, a un equipo de profesionais do Complexo Hospitalario de Santiago (CHUS) por un traballo científico que demostra que as estratexias reparadoras baseadas en terapia celular son unha vía eficaz para a recuperación das persoas afectadas por un ictus. O equipo galardonado está formado por José Castillo, Tomás Sobrino e Francisco Campos, todos eles membros do Instituto de Investigación Sanitaria de Santiago (IDIS) (…)

As enfermidades cerebrovasculares son a primeira causa de morte en Galicia e en España. Cada ano rexístranse en Galicia máis de 5.000 casos de ictus, con unha incidencia que vai medrando debido ao aumento da esperanza de vida. O 80% dos ictus son os denominados isquémicos, coñecidos como infartos cerebrais. «Moitas enfermidades neurolóxicas aumentarán a súa prevalencia nos próximos anos e, sen dúbida, dúas de elas serán responsables dun grave problema de saúde, de mangnitudes pandémicas e con enormes repercusións socioeconómicas: o ictus e a demencia», asegura José Castillo, coordinador do equipo galardonado e director científico do IDIS.

Ver noticia completa

Dic16

O IDIS consegue 3,1 millóns do Estado para investigación en saúde

Posted by BIOGA in Bioga nos medios, Recortes de prensa · No Comments

É case un millón máis que no 2013, e un 60% do asignado a Galicia.

O Instituto de Investigación Sanitaria de Santiago (IDIS) consegueu 3,1 millóns de euros nas últimas convocatorias do Instituto de Saúde Carlos III, organismo estatal adscrito ao Ministerio de Economía e Competitividade. A cifra supera en case un millón a captada o ano pasado, e suón sobre o 60% do total de fondos asignados a Galicia para investigación biomédica por esa entidade, unha cantidade total próxima aos 5 millóns de euros, afirma o neurólogo José Castillo, director científico do IDIS.

Da financiación obtida, 1.060.000€ son para contratación de recursos humanos, segundo 8 modelos diferentes (os que máis, Sara Borrell e de intesificación de actividade investigadora, 3 de cada), e 2.045.000 para proxectos e plataforma de investigación. A partida destinada a persoal permitirá contratar 12 investigadores, 7 máis que na convocatoria de 2013. Destaca José Castillo que un dos contratos é participar nunha empresa. E consegueu recursos económicos para 15 proxectos de investigación, cifra igual á de 2013; e para 3 plataformas (só unha en 2013), pero con máis financiación.

Ver nota orixinal

Dic01

Xornada "Oportunidades no Horizonte 2020: Saúde, Bioeconomía e Envellecemento Activo"

Posted by BIOGA in Axenda, Eventos, Recortes de prensa · No Comments

A Axencia Galega de Innovación (GAIN) e o Centro para el Desarrollo Tecnológico Industrial (CDTI) organizan unha xornada no marco do ciclo de presentacións das oportunidades de financiamento do programa da Comisión Europea Horizonte 2020.

Nela abordaranse dous retos sociais do programa de I+D+i da Comisión: o reto Saúde e o reto Bioeconomía e Liderado en tecnoloxías facilitadoras e industriais en Biotecnoloxía. O seu obxectivo é presentar aos axentes do Sistema Galego de Innovación as oportunidades de financiamento que ofrece o programa Horizonte 2020 e as principais claves para ter éxito, así como describir as ferramentas de apoio que GAIN pon a disposición dos interesados en presentar propostas.

Aquelas persoas e/ou entidades que teñan unha proposta de proxecto a unha convocatoria aberta dentro dun destes dous retos poderán manter unha reunión bilateral cun técnico de CDTI, para revisar a proposta, ou cun técnico de GAIN, para resolver dúbidas sobre os instrumentos de apoio á participación galega en programas europeos de I+D.

Programa

Formulario de inscrición

Category: Recortes de prensa